حیدرآباد: لفٹ گرگئی۔تین خواتین زخمی

حیدرآباد: شہرحیدرآباد کے مراد نگرمیں واقع ایک اپارٹمنٹ کامپلکس میں اتوار کی رات لفٹ کے گرنے کے واقعہ میں تین خواتین زخمی ہو گئیں۔

یہ واقعہ اس وقت پیش آیا جب گراؤنڈ فلور سے چوتھی منزل تک پہنچنے پر لفٹ کی رسی (ٹرکشن کیبل) اچانک ٹوٹ گئی، جس کے باعث لفٹ کیبن نیچے گر گئی، مقامی افراد نے پولیس کو اس بات کی اطلاع دی۔

اس واقعہ میں تین خواتین زخمی ہوگئیں۔ اپارٹمنٹ کے دیگر افرادنے زوردار آواز سن کر موقع پر پہنچ کر زخمیوں کو بچانے کی کوشش کی۔ انہوں نے فوری طور پر ایمبولینس کو بھی طلب کیا اور زخمیوں کو قریبی اسپتال منتقل کرایا۔

زخمیوں کی حالت مستحکم بتائی جا رہی ہے۔ لفٹ میں دو بچے بھی موجود تھے جو خوش قسمتی سے محفوظ رہے۔

مقامی پولیس موقع پر پہنچی اور اس واقعہ کی وجوہات اور لفٹ کی ناکامی کے حالات کی تحقیقات شروع کر دی ہیں۔