حیدرآباد: چادرگھاٹ وکٹری پلے گراونڈ کے قریب گودام میں آگ لگ گئی

حیدرآباد: حیدرآباد کے ملک پیٹ، چادرگھاٹ وکٹری پلے گراونڈ کے قریب گودام میں آگ لگنے کا واقعہ پیش آیا۔ذرائع کے مطابق کل شب اچانک یہ آگ لگی۔

اس واقعہ میں گودام جل کرخاکستر ہوگیا۔اس واقعہ کی اطلاع کے ساتھ ہی فائربریگیڈ کے اہلکاروں نے وہاں پہنچ کر آگ پر قابو پایا۔

اس واقعہ میں کسی کی موت یا پھر کسی کے جھلسنے کی کوئی اطلاع نہیں ملی ہے البتہ بڑے پیمانہ پر مالی نقصان ضرور ہوا ہے۔

آگ لگنے کی وجہ معلوم نہ ہوسکی۔یہاں پر مہاراشٹر، راجستھان کے بشمول دہلی سے مختلف قسم کا سامان لاکر رکھاجاتا ہے۔ان میں گھریلو استعمال کی اشیا فرنیچرس، پائپس بھی شامل ہیں۔

اس واقعہ میں تمام سامان جل کر خاکستر ہوگیا۔یہ گودام تین ٹرانسپورٹ کا تھا۔