حیدرآباددنیا کا مثالی وخوبصورت شہر،اقوام متحدہ کے ادارہ ASEZ وفد کا تاثر

حیدرآباد: اقوام متحدہ کے ادارہ اکابا اسپیشل اکنامک زون (ASEZ)کے وفد نے آج دفتر جی ایچ ایم سی ٹینک بنڈ میں مئیر حیدرآباد جی وجئے لکشمی سے ملاقات کی اور حیدرآباد کی ترقی وخوبصورتی سے متاثرہوکر حیدرآباد کو دنیا کے شہروں میں ایک مثالی شہر قراردیا۔

جیمس جو وفد کی قیادت کررہے تھے نے حیدرآباد کی سڑکوں کی صفائی‘خوشگوارماحول اور انفراسٹرکچر سے متاثرہوکر کہاکہ حیدرآباد کا عالمی سطح کے شہروں میں ایک خوبصورت اورترقی یافتہ شہر کے طورپرشمار ہوتا ہے۔

مئیر حیدرآبادجی وجئے لکشمی نے وفد کوجی ایچ ایم سی کی جانب سے شہر کی ترقی اوراسے خوبصورت بنانے کے لئے کئے جانے والے اقدامات سے واقف کروایا۔بعدازاں مئیر وجئے لکشمی نے بتایا کہ ASEZآرگنائزیشن 175 ملک پرمشتمل ایک یونیورسٹیز ہے ۔

جو ڈیزاسٹر‘خشک سالی‘ ماحولیاتی آلودگی‘موحولیات کا تحفظ‘ بیماریوں‘ غربت اور جرائم کی روک تھام کے لئے کام کرتا ہے اور دنیا میں انسانیت اور امن وامان وخوشحالی لانا اس تنظیم کا نصب العین ہے۔اس موقع پرتلنگانہ کے صدر جیمس‘ نائب صدر بینجو‘ حیدرآبادٹیم لیڈرکے پرشانت‘کواین‘روز‘ جیڈن ودیگر موجودتھے۔