حیدرآباد:ایم آراو کے بیٹے نے حالت نشہ میں کار،کمان سے ٹکرادی۔ایک راہگیر ہلاک اور دیگر 7افرادزخمی
حالت نشہ میں کار چلاتے ہوئے نوجوانوں نے اس کا توازن کھودیا جس کے نتیجہ میں کار،کمان سے ٹکراگئی۔اس حادثہ میں ایک راہگیر ہلاک اور دیگر 7افرادزخمی ہوگئے۔
حیدرآباد: حالت نشہ میں کار چلاتے ہوئے نوجوانوں نے اس کا توازن کھودیا جس کے نتیجہ میں کار،کمان سے ٹکراگئی۔اس حادثہ میں ایک راہگیر ہلاک اور دیگر 7افرادزخمی ہوگئے۔
یہ حادثہ شہرحیدرآباد کے دلسکھ نگر میں پیش آیا۔تفصیلات کے مطابق کل شب دلسکھ نگر کے چیتینہ پوری پولیس اسٹیشن کے حدود میں تیزرفتاری کے ساتھ کار کو چلاتے ہوئے نوجوان نے اس کا توازن کھودیا جس کے نتیجہ میں یہ کار، ایل بی نگر۔
اوپل روڈپر راجیوگاندھی نگر کی کمان سے ٹکراگئی۔حادثہ اتنا خطرناک تھا کہ ایک راہگیر موقع پر ہی ہلاک ہوگیاجبکہ کار میں سوار سات افراد شدید زخمی ہوگئے۔ کار میں سوار حالت نشہ میں تھے۔
حادثہ کا سبب بننے والی کار، چوٹ اُپل کے منڈل ریونیوآفیسر(ایم آراو)ہری کرشنا کی ہے۔اس حادثہ میں کار کو شدید طورپرنقصان پہنچا۔بتایاجاتا ہے کہ باپ کی کارمیں اپنے دوستوں کے ساتھ مل کر سالگرہ کی تقریب میں شرکت کیلئے ایم آراو کا بیٹاسائی کارتک گیاتھا۔بتایاجاتا ہے کہ اس حادثہ کے وقت سائی کارتک کارچلارہا تھا۔
حادثہ کی اطلاع ملتے ہی پولیس وہاں پہنچی جس نے لاش کو پوسٹ مارٹم اور زخمیوں کو علاج کیلئے اسپتال منتقل کردیا۔پولیس نے اس کار کو کرین کی مدد سے سڑک سے ہٹاتے ہوئے ٹریفک کو بحال کیا۔پولیس نے اس سلسلہ میں ایک مقدمہ درج کرکے جانچ شروع کردی۔
