حیدرآباد:کوکٹ پلی علاقہ میں قتل کی واردات

حیدرآباد: شہرحیدرآباد کے علاقہ کوکٹ پلی کے پاپارائیڈونگر میں قتل کی واردات پیش آئی۔مقتول کی شناخت سیلون اونراشوک کے طورپر کی گئی ہے۔

اس واردات کے بعد قاتل سیلون میں لگے سی سی ٹی وی کیمروں کو نقصان پہنچا کر فرارہوگئے تاکہ اس واردات کا کوئی ثبوت نہ مل سکے۔

اس واردات کی اطلاع کے ساتھ ہی پولیس کی کلوزٹیمیں وہاں پہنچ گئیں جنہوں نے جرم کے مقام کا تفصیلی معائنہ کیااور لاش کو پوسٹ مارٹم کے لئے بھیج دیا۔

اشوک کے کل رات گھر واپس نہ ہونے پر اس کے ارکان خاندان کو شبہ ہوا جنہوں نے اشوک کو فون کیا تاہم اشوک کے فون نہ اٹھانے پر اس کے ارکان خاندان سیلون پہنچے جہاں اس کی لاش انہیں نظرآئی۔