حیدرآباد: نامعلوم گاڑی کی ٹکر سے ایک شخص ہلاک
پولیس کے مطابق، اُوپل بھگایت کے قریب ایک نامعلوم گاڑی نے تقریباً 40 سالہ شخص کو ٹکر ماری، جس کے نتیجہ میں وہ موقع پر ہی ہلاک ہوگیا۔
حیدرآباد: نامعلوم گاڑی کی ٹکر سے ایک شخص ہلاک ہوگیا۔
یہ افسوسناک واقعہ حیدرآباد کے اُوپل پولیس اسٹیشن حدود میں پیش آیا۔
پولیس کے مطابق، اُوپل بھگایت کے قریب ایک نامعلوم گاڑی نے تقریباً 40 سالہ شخص کو ٹکر ماری، جس کے نتیجہ میں وہ موقع پر ہی ہلاک ہوگیا۔
مقامی افراد کی اطلاع پر پولیس فوری طور پر وہاں پہنچی۔ مہلوک کے جسم پر شرٹ نہیں تھا، وہ صرف کالے رنگ کی پتلون پہنے ہوئے تھا اور ہاتھ میں گھڑی بھی موجود تھی۔پولیس نے اطراف کے علاقوں میں معلومت حاصل کی، لیکن اس کے بارے میں کوئی معلومات حاصل نہ ہو سکیں۔
لاش کو پوسٹ مارٹم کے لئے گاندھی اسپتال منتقل کیا گیا۔ پولیس نے عوام سے اپیل کی ہے کہ اگر کوئی شخص اس متوفی کو پہچانے، تو اُوپل پولیس اسٹیشن سے فوری رابطہ کرے۔
پولیس یہ بھی جانچ کر رہی ہے کہ آیا یہ واقعی سڑک حادثہ تھا یا اس کے پیچھے کوئی اور وجہ ہے۔ اس ضمن میں مختلف زاویوں سے جانچ جاری ہے۔
