حیدرآباد:لوک سبھا انتخابات کے پیش نظرپولیس کا فلیگ مارچ

حیدرآباد: لوک سبھا انتخابات کے پیش نظر شہرحیدرآباد کے ملک پیٹ پولیس اسٹیشن حدود میں پولیس نے فلیگ مارچ کیا۔

ڈی سی پی ساوتھ ایسٹ زون کی ہدایت پر سعیدآباد اے سی پی وینکنانائک کی قیادت میں ملک پیٹ،سعید آباد، دبیرپورہ کے اسٹیشن ہاوز آفیسرس،سب انسپکٹرس، 50ملازمین پولیس،مرکزی مسلح دستوں کے ساتھ اس فلیگ مارچ کا اہتمام کیاگیا۔

کل رات کئے گئے اس فلیگ مارچ کے دوران تمام علاقوں بشمول سلیم نگر کالونی،سری پورم کالونی،بینڈ بستی،کٹل منڈی،اندرانگر،گڈی انارم کے تقریبا 6کلومیٹر کا احاطہ کیاگیا۔

بعد ازاں فلیگ مارچ پولیس اسٹیشن واپس ہوا۔آنے والے لوک سبھا انتخابات پُرامن ماحول میں منعقد کرنے اور عوام کی جانب سے ووٹ کے حق کے استعمال کویقینی بنانے کے مقصد سے نیم فوجی دستوں کے ساتھ یہ فلیگ مارچ کیاگیا۔