حیدرآباد: پب پر پولیس کا چھاپہ، ڈسکو جاکی اور10 خاتون ڈانسرس زیرحراست

حیدرآباد: سائبر آباد اسپیشل آپریشن ٹیم (ایس او ٹی) نے شہرحیدرآباد کے صنعت نگر میں ایک پب پر چھاپہ مارا اور منگل کی شب ایک ڈسکو جاکی کے بشمول10 خاتون ڈانسرس کو فحاشی کے الزام میں حراست میں لے لیا۔

عہدیداروں نے کہا کہ پب انتظامیہ خاتون ڈانسرس کے ذریعہ عریانی پھیلانے کا کام کررہا تھا۔

ان کی فحش حرکات کی حوصلہ افزائی کی جارہی تھی۔

پولیس کے مطابق پب انتظامیہ غیر قانونی سرگرمیوں کی حوصلہ افزائی کر رہا تھا۔

ایک اطلاع کے بعد ایس او ٹی نے مقامی پولیس کے ساتھ مل کر پب پر چھاپہ مارا اور انہیں گرفتار کر لیا۔

انہیں مزید کارروائی کے لیے صنعت نگر پولیس کے حوالے کر دیا گیا۔پب کے مالک کرشنا راجو کو پکڑنے کی کوششیں جاری ہیں جو فرارہے۔