سینئر صحافی سید قادر محی الدین وحید قادری کا انتقال

حیدرآباد: ممتاز صحافی اور حضرت سید زرد علی شاہ مہاجر مکی رحمتہ اللہ علیہ کے نبیرہ، سید قادر محی الدین وحید قادری صاحب کا آج صبح انتقال ہو گیا۔ ان کے انتقال کی خبر سے صحافتی اور مذہبی حلقوں میں غم کی لہر دوڑ گئی۔

مرحوم کی نمازِ جنازہ آج بعد نماز جمعہ مسجد احاطہ حضرت سید موسیٰ قادری رحمۃ اللہ علیہ، پرانہ پل میں ادا کی گئی۔ تدفین درگاہ شریف درِ فیضِ عام، چھتہ بازار میں عمل میں آئے۔