حیدرآباد: سلنڈردھماکہ واقعہ میں مرنے والوں کی تعداد بڑھ کر 6 ہوگئی

حیدرآباد: شہرحیدرآبادکے دومل گوڑہ میں پیش آئے سلنڈردھماکہ واقعہ میں مرنے والوں کی تعداد بڑھ کر 6 ہوگئی کیونکہ ایک کم عمر لڑکے کی کل شب علاج کے دوران موت ہوگئی۔

گھر میں ایل پی جی سلنڈر کے پھٹ پڑنے کے واقعہ میں ایک ہی خاندان کے 7 افراد شدید طورپر جھلس گئے تھے۔

یہ واقعہ گذشتہ منگل کی صبح دومل گوڑہ کی روزکالونی کے ایک مکان میں پیش آیا تھا۔

اس واقعہ میں جھلس جانے والوں کو گاندھی اسپتال منتقل کیاگیا تھا جہاں گذشتہ چند دنوں کے دوران 6 افراد کی موت ہوگئی۔

ایک شخص ہنوز زیرعلاج ہے جس کی حالت تشویشناک بتائی جاتی ہے۔

لاش کو پوسٹ مارٹم کے لئے بھیج دیاگیا۔دومل گوڑہ پولیس اس معاملہ کی جانچ کررہی ہے۔