بی جے پی امیدوار کے پاس 126 کروڑ کے اثاثوں کے باوجود ذاتی کار نہیں

جئے پور: راجستھان کے ناگور کی بھارتیہ جنتا پارٹی (بی جے پی) کی امیدوار جیوتی مردھا کے پاس جملہ 126کروڑ روپے مالیتی اثاثے ہیں لیکن ان کے پاس ذاتی کار نہیں ہے۔

ان کے پاس 2لائسنس یافتہ ہتھیار‘ ایک بندوق اور ایک پستول موجود ہیں۔ جئے پور‘ گروگرام‘ ممبئی اور ناگور میں ان کی جائیدادیں ہیں۔

وہ پلاٹس‘ فلیٹس اور زرعی فارمس کی مالک ہیں۔ کاغذات نامزدگی داخل کرتے وقت انہوں نے حلف نامہ میں یہ تفصیلات بتائیں۔

ان کے پاس 1 لاکھ 70 ہزار روپیوں کی نقد رقم موجود ہے جبکہ ان کے شوہر کے پاس 1لاکھ 40 ہزار روپے کی نقدی ہے۔