حیدرآباد
حیدرآباد: گنیش کی مورتی لے جانے کے دوران کرنٹ لگنے سے تین افراد زخمی
اس دوران اکھیل، وکاس اور ٹریکٹر ڈرائیور کرنٹ لگنے سے زمین پر گر پڑے۔ موقع پر موجود افراد نے بڑی مشکل سے انہیں بچایا اور فوری طور پر اسپتال منتقل کیا۔ بتایا جاتا ہے کہ ان میں سے دو افراد کی حالت نازک ہے۔ پولیس نے واقعہ کی تحقیقات شروع کردی ہے۔
حیدرآباد: حیدرآباد کے چندرائن گٹہ کے بنڈلہ گوڑہ روڈ پر گنیش کی مورتی لے جاتے وقت کرنٹ لگنے سے تین افراد شدید زخمی ہوگئے۔
اطلاعات کے مطابق کل شب جل پلی سے پرانے شہر کی طرف ایک بڑی گنیش مورتی ٹریکٹر کے ذریعہ منتقل کی جارہی تھی کہ اچانک وہ اوپر سے گزرنے والی ہائی ٹینشن تاروں سے ٹکرا گئی۔
اس دوران اکھیل، وکاس اور ٹریکٹر ڈرائیور کرنٹ لگنے سے زمین پر گر پڑے۔ موقع پر موجود افراد نے بڑی مشکل سے انہیں بچایا اور فوری طور پر اسپتال منتقل کیا۔ بتایا جاتا ہے کہ ان میں سے دو افراد کی حالت نازک ہے۔ پولیس نے واقعہ کی تحقیقات شروع کردی ہے۔
یہ واقعہ پچھلے 24 گھنٹوں میں دوسرا ایسا حادثہ ہے۔ اس سے قبل اتوار کی رات اپل کے رامنتاپور میں رتھ یاترا کے دوران کرنٹ لگنے سے چھ افراد ہلاک ہوگئے تھے۔
ہمیں فالو کریں
