ہندوستان کوجھٹکا، مسلسل کامیابی کے بعد خاتون ریسلر ونیش پھوگاٹ اچانک نااہل قرار
وزیر اعظم نریندر مودی نے سوشل میڈیا پلیٹ فارم ایکس پر لکھا، ’’ونیش، آپ چیمپئنز میں چیمپئن ہیں! آپ ہندوستان کا فخر ہیں اور ہر ہندوستانی کے لیے تحریک۔ آج کا صدمہ دردناک ہے۔
![ہندوستان کوجھٹکا، مسلسل کامیابی کے بعد خاتون ریسلر ونیش پھوگاٹ اچانک نااہل قرار](https://urdu.munsifdaily.com/wp-content/uploads/2024/08/VINESH-PHOGAT-1.jpg)
پیرس: پیرس اولمپک میں چہارشنبہ کو خواتین کے 50 کلوگرام مقابلے میں ہندوستانی پہلوان ونیش پھوگاٹ کو نااہل قرار دے دیا گیا ہے سرکاری بیان میں کہا گیا کہ آج صبح ونیش کا وزن 100 گرام زیادہ پایا گیا اور ضوابط کے مطابق انہیں نااہل قرار دے دیا گیا ہے۔
ذرائع نے کہا کہ ٹیم اس وقت مزید کوئی تبصرہ نہیں کرے گی ہندوستانی ٹیم آپ سے درخواست کرتی ہے کہ ونیش کی رازداری کا احترام کریں قابل ذکر ہے کہ منگل کو ونیش پھوگاٹ نے لگاتار تین میچ جیت کر خواتین کے 50 کلوگرام مقابلے کے فائنل میں جگہ بنائی تھی۔
وزیر اعظم نریندر مودی نے سوشل میڈیا پلیٹ فارم ایکس پر لکھا، ’’ونیش، آپ چیمپئنز میں چیمپئن ہیں! آپ ہندوستان کا فخر ہیں اور ہر ہندوستانی کے لیے تحریک۔ آج کا صدمہ دردناک ہے۔ کاش الفاظ اس مایوسی کے احساس کا اظہار کر سکتے جو میں محسوس کر رہا ہوں۔
اس کے علاوہ، میں جانتا ہوں کہ آپ لڑنے کے جذبے کی علامت ہیں۔ چیلنجز کا مقابلہ دلیرانہ انداز میں کرنا آپ کی ہمیشہ فطرت رہی ہے۔ مضبوط ہوکر واپس آیئے! ہم سب آپ کے ساتھ ہیں۔”