جی ایچ ایم سی حدود میں سردی کی لہر میں اضافہ

حیدرآباد: گریٹرحیدرآبادمیونسپل کارپوریشن(جی ایچ ایم سی)حدود میں سردی کی لہرمیں اضافہ درج کیاگیا ہے۔محکمہ موسمیات نے کہا ہے کہ آنے والے دنوں میں سردی کی لہرمیں مزید اضافہ کاامکان ہے۔

شہرحیدرآباد کے نواحی علاقوں میں کہر کی گھنی چادردیکھی جارہی ہے جس سے گاڑی سواروں کو راستہ نظرنہیں آرہا ہے۔

صبح کے اوقات میں سردی کی لہر کی وجہ سے عوام کومشکلات کاسامنا ہے۔

شہرحیدرآباد کے بشمول اضلاع میں بھی اسی طرح کی صورتحال کاسامنا ہے۔حیدرآباد میں جمعرات کی صبح اقل ترین درجہ حرارت 18ڈگری سلسیس درج کیاگیا جبکہ گذشتہ شب 14ڈگری سلسیس درج کیاگیا۔