تلنگانہ: ضلع جئے شنکربھوپال پلی میں قتل کی واردات

حیدرآباد: تلنگانہ کے ضلع جئے شنکربھوپال پلی میں چندروپلی گاوں میں قتل کی واردات پیش آئی۔تفصیلات کے مطابق

کل شام نامعلوم افراد نے ایک 25 سالہ شخص کو چاقو مار کر ہلاک کر دیا۔مقتول کی شناخت کومیرا گاؤں کے ایم سریکانت کے طور پر کی گئی ہے۔

سری کانت گزشتہ تین دنوں سے چندروپلی گاؤں میں کرشنگ مشین چلا رہا تھا۔

وہ ڈرائیور پردیپ کے ساتھ کار میں آتا تھا اور شام تک کام کرنے کے بعد گاڑی میں واپس اپنے گاؤں چلا جاتا تھا۔

بدھ کی شام، اپنا کام ختم کرنے کے بعد، سری کانت اپنے گاؤں واپس جانے کے لیے گاڑی میں انتظار کر رہا تھا کہ دو افراد بائیک پر آئے اور کار کے آگے رک گئے۔

انہوں نے سری کانت کو باہر نکالا اور چاقو سے وار کرکے اس کو زخمی کردیا۔ پردیپ اسے بچانے کے لیے پہنچا تاہم اس کو ناکامی ہوئی۔

پردیپ بائیک کی چابی لے کر مدد کے لیے چیختا ہوا کھیتوں میں گیا۔

مقامی افرادکی آواز سن کر دونوں حملہ آور موقع سے فرار ہو گئے۔مقامی افرادنے پولیس کو اطلاع دی جس نے لاش کو پوسٹ مارٹم کے لیے سرکاری اسپتال منتقل کیا۔