اندراگاندھی کی یوم پیدائش، وزیراعلی تلنگانہ کا خراج
وزیر اعلیٰ نے کہا کہ ایک کروڑ خواتین کو ”کروڑ پتی“ کے طور پر بنانا ریاست میں ”اندرا ں حکمرانی“ کے اہم مقاصد میں سے ایک ہے۔
حیدرآباد: تلنگانہ کے وزیراعلی ریونت ریڈی نے ہندوستان کی پہلی خاتون وزیر اعظم اندرا گاندھی کو ان کی یوم پیدائش کے موقع پر خراج عقیدت پیش کیا۔وزیراعلی نے ’قومی یکجہتی دن‘ کے موقع پر تمام شہریوں کو مبارکباد پیش کی جو منگل کو اندرا گاندھی کی یوم پیدائش کی یاد میں منایا جارہا ہے۔
وزیر اعلیٰ نے ایک مضبوط قیادت والی نہرو کی وراثت کو جاری رکھنے اور ملک کے عوام کو فائدہ پہنچانے والی متعدد انقلابی اصلاحات متعارف کروانے پر خاتون آہن اندرا گاندھی کی ستائش کی۔
ریڈی نے یادکرتے ہوئے کہا کہ اندرا گاندھی نے غریبوں اور خواتین کی بہتری کے لیے خصوصی کوششیں کی تھیں۔
انہوں نے کہا کہ اندرا گاندھی کے ان الفاظ سے متاثر ہو کر کہ ‘خواتین ہندوستانی طاقت کی علامت ہیں ‘، تلنگانہ حکومت بھی خواتین کو بااختیار بنانے کو اولین ترجیح دے رہی ہے۔
وزیر اعلیٰ نے کہا کہ ایک کروڑ خواتین کو ”کروڑ پتی“ کے طور پر بنانا ریاست میں ”اندرا ں حکمرانی“ کے اہم مقاصد میں سے ایک ہے۔
اندرا گاندھی کی یوم پیدائش پر 22 اضلاع میں نئی تعمیر شدہ اندرا مہیلا شکتی عمارتوں کا سنگ بنیاد رکھنے کی تقریب منعقد کرنا فخر کی بات ہے۔
