تلنگانہ:کیڑے ماردواپی کر بینک منیجر نے خودکشی کرلی

حیدرآباد: تلنگانہ کے کومرم بھیم آصف آباد میں ایس بی آئی وانکیڈی کے برانچ منیجر نے کیڑے ماردواپی کرخودکشی کرلی۔

پولیس نے بتایا کہ منیجربی سریش ساکن چنتاگوڑہ موضع منچریال ضلع نے شام میں سات بجے اپناکام ختم کرنے کے بعد اپنے ساتھ لائی گئی کیڑے ماردواپی لی۔

اس کو فوری طورپرآصف آباد کے اسپتال لے جایا گیاجہاں سے بہتر علاج کیلئے اس کو کریم نگرکے ایک اسپتال منتقل کیاگیا جہاں علاج کے دوران اس کی موت ہوگئی۔

سریش کے باپ نے پولیس میں اس سلسلہ میں ایک شکایت درج کرواتے ہوئے کہاکہ سریش نے اپنی بیوی سے کہا تھا کہ دفتر میں کام کے بوجھ کی وجہ سے وہ تناو کاشکارہوگیا ہے۔

کام کے بوجھ سے نمٹنے میں ناکامی پراس نے یہ انتہائی اقدام کیا۔پولیس اس بیان کی جانچ کررہی ہے۔سریش کے پسماندگان میں اہلیہ کے علاوہ چار سالہ بیٹا بھی شامل ہے۔