شیئرمارکیٹ میں ابتدائی تیزی

ممبئی: مقامی اسٹاک مارکیٹوں میں بدھ کو ابتدائی کاروبار میں تیزی دیکھی گئی۔

بی ایس ای کا 30 حصص کا حساس انڈیکس سینسیکس 29.08 پوائنٹس کے اضافے کے ساتھ 76,229.76 پر کھلا۔ خبر لکھنے کے وقت، یہ 261.34 پوائنٹس (0.34 فیصد) بڑھ کر 76,462.55 پر تھا۔ گزشتہ کاروباری روز مارکیٹ میں کمی ہوئی تھی اور بڑے انڈیکس ایک فیصد سے زیادہ ٹوٹ گئے تھے۔

سینسیکس کے برعکس، نیشنل اسٹاک ایکسچینج کا نفٹی-50 آج 28.30 پوائنٹس گر کر 23,795.80 پرکھلا، لیکن جلد ہی سبز نشان میں پہنچ گیا۔ تادم تحریریہ 59.80 پوائنٹس یعنی 0.25 فیصد اضافے کے ساتھ 23,883.90 پر تھا۔

وسیع مارکیٹ میں بھی تیزی رہی۔ آئی ٹی، فارما، اور ہیلتھ کیئر سیکٹر کے انڈیکس میں فی الحال سب سے زیادہ تیزی ہے۔ دریں اثنا، آٹو، میٹل، میڈیا اور کنزیومر ڈیوربل گروپس کی کمپنیاں دباؤ میں ہیں۔

سینسیکس کی کمپنیوں میں، ٹیک مہندرا کا اسٹاک فی الحال 2.25 فیصد، آئی سی آئی سی آئی بینک کا 1.5 فیصد، اور انفوسس کا 1 فیصد سے زیادہ کی تیزی میں ہے۔ پاور گرڈ، ٹرینٹ، کوٹک مہندرا بینک، ایل اینڈ ٹی، اور ایچ ڈی ایف سی بینک کے حصص بھی اوپر چل رہے ہیں۔

ماروتی سوزوکی اور بھارتی ایئرٹیل کے حصص تقریباً 1 فیصد نیچے ہیں۔ ان کے ساتھ ایچ سی ایل ٹیکنالوجیز، ٹائٹن، این ٹی پی سی، اور ٹاٹا اسٹیل بھی نیچے ہیں۔

عالمی سطح پر، دیگر بڑی ایشیائی اسٹاک مارکیٹوں میں آج ابتدائی کاروبار میں کمی دیکھی جا رہی ہے۔