شیئر بازاروں میں ابتدائی تیزی

ممبئی: گھریلو شیئر بازاروں میں منگل کو ابتدائی تیزی دیکھی گئی اور بی ایس ای کا سینسیکس 500 پوائنٹس سے زیادہ کے اضافے کے ساتھ کھلا۔

سینسیکس 511.15 پوائنٹس چڑھ کر 74,035.41 پوائنٹس پر کھلا۔ خبر لکھے جانے کے وقت یہ 356.67 پوائنٹس (0.49 فیصد) اوپر 73,880.93 پوائنٹس پر تھا۔

بازار میں اس وقت ہر طرف خریداری دیکھی جا رہی ہے۔ آٹو، کیمیکل، بینکنگ اور مالیاتی کمپنیوں میں سرمایہ کار زیادہ اعتماد دکھا رہے ہیں۔

نیشنل اسٹاک ایکسچینج کا نفٹی-50 انڈیکس 136.05 پوائنٹس کی مضبوطی کے ساتھ 23,259.05 پوائنٹس پر کھلا۔ خبر لکھے جانے کے وقت یہ 105.80 پوائنٹس یعنی 0.46 فیصد کے اضافے کے ساتھ 23,228.80 پوائنٹس پر رہا۔

سینسیکس کی کمپنیوں میں ٹرینٹ کا شیئر ڈھائی فیصد اور انڈیگو کا ڈیڑھ فیصد چڑھا۔ ایکسس بینک، آئی سی آئی سی آئی بینک، بجاج فائنانس، مہندرا اینڈ مہندرا اور بجاج فن سرو کے شیئر بھی ایک فیصد سے زیادہ کے اضافے میں ہیں۔

ٹاٹا اسٹیل اور این ٹی پی سی میں تقریباً ایک فیصد کی گراوٹ ہے۔ انفوسس، پاور گرڈ اور ایچ سی ایل ٹیکنالوجیز کے شیئر بھی نیچے چل رہے ہیں۔