تلنگانہ میں کانگریس کی انتخابی مہم میں شدت

حیدرآباد: تلنگانہ کی حکمران جماعت کانگریس نے اپنی انتخابی مہم میں شدت پیدا کردی ہے۔پارٹی کے اہم لیڈران کو تمام حلقوں میں انتخابی مہم چلانے کی ہائی کمان نے ہدایت دی ہے۔

اعلی کمان نے پارٹی کے لیڈروں کو اپنے ضلع تک ہی محدود نہ رہتے ہوئے دیگر علاقوں کا بھی دورہ کرنے پر زوردیا ہے۔

اے آئی سی سی نے واضح کیا ہے کہ جلسوں اورریلیوں کے ذریعہ رائے دہندوں کو کانگریس کے کارناموں سے واقف کروایاجائے۔

اسمبلی حلقوں کی سطح پر نامزد کردہ کوارڈی نیٹرس کو تال میل کے ساتھ کام کرنے کی بھی ہدایت دی گئی ہے۔

ہائی کمان نے واضح کیا کہ مقامی لیڈران اور کارکنوں کے ساتھ مل کر امیدوارداخلی اجلاس منعقد کرتے ہوئے وزیراعلی اور دیگر اہم لیڈروں کے جلسوں اور ریلیوں پر توجہ مرکوز کی جائے۔

میدک، ورنگل، بھونگیر حلقوں کے پرچہ نامزدگیوں کے سلسلہ میں منعقد کی جانے والی ریلیوں اورجلسوں میں وزیراعلی ریونت ریڈی کی شرکت متوقع ہے۔