آئرلینڈ نے جنوبی افریقہ کے خلاف تاریخ رقم کردی

شارجہ: جیتی بازی ہارنا کوئی جنوبی افریقہ سے سیکھے۔ ابوظبی میں آئرلینڈ نے سنسنی خیز مقابلے کے بعد تاریخ رقم کر دی۔ آئرلینڈ نے پہلی بار جنوبی افریقہ کو ٹی ٹوئنٹی انٹرنیشنل میں شکست دی۔

دو بھائی پروٹیز کی پوری ٹیم پر بھاری پڑگئے۔ روس اڈیئر نے سنچری بنائی تو دوسرے بھائی مارک اڈیئر نے چار وکٹیں لیکر ٹیم کو کامیابی دلوادی۔ آئرلینڈ نے پہلے بیاٹنگ کرتے ہوئے 195 رن بنائے۔

جواب میں جنوبی افریقہ کی ٹیم نشانہ کے قریب آکر میاچ ہارگئی۔ جنوبی افریقہ کو ایک موقع پر محض 12 گیندوں پر صرف 23 رنز درکار تھے۔ تاہم مارک اڈائر نے ایک ہی اوور میں 3 وکٹیں حاصل کرکے پانسہ پلٹ دیا۔

آخری بارہ گیندوں پرجنوبی افریقہ کے پانچ کھلاڑی آؤٹ ہوئے جس کی وجہ سے وہ جیتا ہوا میاچ ہارگئی اور آئرلینڈ نے تاریخ رقم کردی۔