امداد کے منتظر فلسطینیوں پر اسرائیلی گولہ باری، 19 شہید، اسرائیل نے کی تردید

غزہ: غزہ شہر کے جنوب میں خوراک کی امداد کے منتظر فلسطینیوں کی بھیڑ پر اسرائیلی گولہ باری میں کم از کم 19 فلسطینی جاں بحق اور 23 دیگر زخمی ہوگئے۔ حماس نے ہفتہ کے روز کہا مگر اسرائیل نے اس دعوے کی تردید کی ہے۔

حماس نے ایک پریس بیان میں اعلان کیا ہے کہ اسرائیلی فورسز نے فلسطینیوں پر اس وقت حملہ کیا جب وہ زیتون کے پڑوس میں کویت راؤنڈ اباؤٹ پر امداد کا انتظار کررہے تھے۔

تاہم، اسرائیلی فوج نے اس کی تردید کرتے ہوئے کہا کہ "ابتدائی نتائج سے معلوم ہوا ہے کہ وہاں کوئی فضائی حملہ نہیں ہوا اور نہ ہی لوگوں پر فورسز کی طرف سے فائرنگ کی گئی۔”

غزہ کی پٹی، جس میں تقریباً 23.5 لاکھ افراد آباد ہیں، 7 اکتوبر 2023 سے مسلسل اسرائیلی حملوں اور محاصرے کی وجہ سے شدید انسانی بحران سے دوچار ہے۔ بین الاقوامی اداروں نے ساحلی علاقے میں قحط کی وارننگ جاری کی ہے۔