کرناٹک کی وزیر لکشمی ہیبالکر کار حادثے میں زخمی

بیلگاوی: کرناٹک کی وزیر لکشمی ہیبالکر اور ان کے بھائی اور قانون ساز کونسل رکن (ایم ایل سی) چناراج ہتی ہولی منگل کی صبح چنمما کتور تعلقہ میں پونے-بنگلور قومی شاہراہ پر ایک کار حادثے میں زخمی ہوگئے۔

حادثہ صبح 6 بجے کے قریب اس وقت پیش آیا جب مبینہ طور پر گاڑی کے ڈرائیور نے ایک آوارہ کتے کو بچانے کے لیے اچانک کار موڑ دی، جس سے کار درخت سے ٹکرا گئی۔

محترمہ ہیبالکر کے چہرے اور کمر پر چوٹیں آئیں جبکہ ان کے بھائی کے سر پر چوٹ لگی ہے۔

محترمہ ہیبالکر کے بیٹے مرنل ہیبالکر نے صحافیوں سے بات کرتے ہوئے اس واقعہ کی تصدیق کی اور کہا کہ یہ حادثہ ایک آوارہ جانور کے اچانک سامنے آنے کی وجہ سے پیش آیا۔

چنمما کتور تعلقہ میں جائے حادثہ نے قومی شاہراہوں پر حفاظتی خدشات کی طرف توجہ مبذول کرائی ہے۔

واقعے کی تفصیلات کا انتظار ہے۔