کٹرینہ گھر کے بجٹ کا خاص خیال رکھتی ہیں: وکی کوشل

ممبئی: بالی ووڈ اداکار وکی کوشل کا کہنا ہے کہ ان کی بیوی کٹرینہ کیف گھر کے بجٹ کاخاص خیال رکھتی ہیں۔ وکی کوشل نے بتایا ہے کہ کٹرینہ ہر ہفتہ ان کے ساتھ گھر کے بجٹ کے سلسلے میں میٹنگ کرتی ہیں۔

وکی کوشل نے کہا کہ سب سے مزیدار تجربہ تب ہوتا ہے، جب کٹرینہ ہر دوسرے ہفتہ گھر کی میٹنگ کرتی ہیں۔وہ گھر میں تمام اسٹاف کو اکھٹا کرتی ہیں اور گھر کے خرچ کے حساب مانگتی ہے۔

وہ پیسوں کے خرچ کا پورا حساب رکھتی ہیں اور یہ بہت اچھی بات ہے۔لیکن جب یہ سب ہوتا ہے اس دوران میں اسے کافی انجوائے کرتا ہوں کیونکہ میں ایک آڈینس ہوں اس لئے میں پاپ کارن لے کر وہاں بیٹھتا ہوں۔

وکی کوشل نے پیسوں کی بچت کے سلسلے میں کہا کہ یہ ڈیپینڈ کرتا ہے کہ کس سامان کو کون خریدنا چاہتا ہے ۔ اگر کوئی سامان مجھے پسند آ جاتا ہے تو کٹرینہ کہتی ہیں کہ ہمیں بجٹ کے اندر ہی رہنا چاہئے لیکن جب انہیں کوئی سامان خریدنا ہوتاہے، تو میں کہتا ہوں کہ ہم اس پر اتنا خرچ کیو ں کر رہے ہیں ؟اس کے جواب میں وہ کہتی ہیں کہ نہیں، نہیں مجھے یہ چیز پسند ہے۔