تلنگانہ کو لوٹنے والے پانچ افراد میں کویتا بھی شامل:رکن پارلیمنٹ کانگریس

حیدرآباد: تلنگانہ کے یادادری بھونگیر ضلع میں کلکٹر دفتر کے احاطہ میں اندرا مہیلا شکتی سنٹر کا افتتاح بھونگیر کے رکن پارلیمنٹ سی کرن کمار ریڈی اور رکن اسمبلی انیل کمار ریڈی نے کیا۔

اس موقع پر خطاب کرتے ہوئے کرن کمار ریڈی نے کہا کہ تلنگانہ ریاست کو پانچ افراد نے مل کر لوٹ لیا، ان میں کویتا بھی شامل ہیں۔

انہوں نے کہا کہ بی آرایس کی رکن کونسل کویتا باہر آکر بی آرایس کے دور میں ان کی پارٹی کے قائدین کی بدعنوانی کے بارے میں بات کر رہی ہیں، اس کا وہ خیر مقدم کرتے ہیں۔

مگر اگر کویتا کو حقیقی نیک نیتی ثابت کرنی ہے تو سی بی آئی کے سامنے بیان دے کر اپنی سچائی دکھانا ہوگی۔

کرن کمار ریڈی نے کہا کہ اب بدعنوانی سے حاصل کی گئی رقوم کی تقسیم کا راز بھی کویتا کے ذریعہ بے نقاب ہوا ہے۔ انہوں نے کہا کہ بی جے پی کے رہنما بنڈی سنجے اور کشن ریڈی مسلسل چیلنج کر رہے ہیں، اس لئے اگر واقعی سنجیدہ ہیں تو کالیشورم پراجیکٹ کی تحقیقات کو تیزی سے مکمل کرنے کے لئے فوری اقدامات کئے جائیں۔