کویتا کی کار کی ایک مرتبہ پھر تلاشی

حیدرآباد: تلنگانہ کی حکمران جماعت بی آرایس کی رکن قانون ساز کونسل کے کویتاکی کار کی ایک مرتبہ پھر الیکشن کمیشن اور پولیس کے عہدیداروں نے تلاشی لی۔

وہ نظام آباد ضلع کے ارشاپلی اسکوائر کے قریب کار میں بی آرایس کے رکن اسمبلی گنیش گپتا کے ساتھ جارہی تھیں کہ ان کی کار کو الیکشن کمیشن اور پولیس کے عہدیداروں نے روکا۔

ان عہدیداروں نے کار کی تلاشی لی جس کے بعد اس تلاشی میں تعاون کرنے پر ان عہدیداروں نے دونوں سے اظہارتشکر کیا۔