کے سی آر ایک خود غرض سیاستداں ہیں: کے لکشمن

حیدرآباد: بی جے پی رکن پارلیمنٹ ڈاکٹر کے لکشمن نے چیف منسٹر کے سی آر پر خود غرض سیاستداں ہونے کا الزام عائد کیا۔

چیف منسٹر کے سی آر نے سابق متحدہ آندھراپردیش کے دور حکومت میں کانگریس ہائی کمان سے مطالبہ کیا تھا کہ اگر وائی ایس آر کو چیف منسٹر کے عہدے سے ہٹاکر انہیں چیف منسٹر بنایا جائے تو وہ علحدہ تلنگانہ کی تحریک چھوڑ دیں گے۔

ڈاکٹر کے لکشمن نے آج اخباری نمائندوں کو مخاطب کرتے ہوئے کہا کہ سابق یو پی اے دور حکومت میں علحدہ تلنگانہ کا بل پارلیمنٹ میں منظور کیا گیا۔

اس وقت کے سی آر نے ان کے خاندان کے افراد کے ساتھ سونیا گاندھی سے ملاقات کرکے انہوں نے کہا تھا کہ وہ ٹی آر ایس کو کانگریس میں ضم کردیں گے لیکن اس پر عمل نہیں کیا۔