گورنر کیرالا عارف محمد خان کی ایودھیا کے رام مندر میں پوجا (ویڈیو)

ایودھیا: گورنر کیرالا عارف محمد خان نے چہارشنبہ کے روز اترپردیش کے ایودھیا میں رام مندر کا دورہ کیا۔ ایکس پر پوسٹ کئے گئے اپنے ایک ویڈیو میں کیرالا کے راج بھون نے کہا کہ گورنر نے مندر کا دورہ کیا اور درشن کئے۔

ہینڈل پر عارف محمد خان کا ایک ویڈیو پوسٹ کیا گیا جس میں انہیں رام مورتی کے آگے جھکتے ہوئے دیکھا گیا۔ پس منظر میں جئے شری رام کے نعرے لگ رہے تھے۔

بعدازاں خان نے نامہ نگاروں کو بتایا کہ انہوں نے اس سے پہلے جنوری میں دو مرتبہ ایودھیا کا دورہ کیا تھا۔ گورنر نے کہا کہ میں جنوری میں دو مرتبہ ایودھیا آیا اس وقت میرے جو احساسات تھے وہ آج بھی وہی ہیں۔

انہوں نے آج کہا کہ میں کئی مرتبہ ایودھیا گیا یہ ہمارے لئے نہ صرف مسرت کا معاملہ ہے بلکہ فخر کا معاملہ بھی ہے کہ ایودھیا جائیں اور شری رام کی پوجا کریں۔