کشن ریڈی نے تلنگانہ کے 9اضلاع میں ٹی بی کے خاتمہ کی مہم کاآغازکیا

حیدرآباد: مرکزی وزیروتلنگانہ بی جے پی کے سربراہ کشن ریڈی نے ٹی بھی مُکت ابھیان کے حصہ کے طورپر ریاست کے 9اضلاع میں 100روزہ ٹی بی کے خاتمہ کی مہم کاآغازکیا۔اس مہم کاآغازحیدرآباد کے ایرگڈہ میں واقع ٹی بی اسپتال میں کیاجوٹی بی کے خاتمہ کیلئے قومی مقصد کو حاصل کرنا ہے۔

کشن ریڈی نے زوردیتے ہوئے کہا کہ یہ ٹی بی کے خاتمہ کیلئے این ڈی اے حکومت کے اٹل موقف کااظہار کیا۔ملک بھر میں 22ہزارکروڑروپئے کے صرفہ سے اس پر عمل کیاجارہا ہے۔

انہوں نے کہا کہ ٹی بی کے خاتمہ کیلئے اس کے تعلق سے بیداری پھیلانے اورغلط فہمیوں کو دورکرنے کی ضرورت ہے۔مرکزی وزیرکشن ریڈی نے نشاندہی کرتے ہوئے کہا کہ اس مرض کے کا ابتدامیں پتہ چلانا اور بروقت علاج، اس کے مکمل علاج میں اہم ہے۔انہوں نے ٹی بی کے مریضوں پر زوردیا کہ وہ پُرعزم رہیں اور علاج کے منصوبہ پر قائم رہیں۔