کے ٹی راما راونے چلکورو بالاجی مندر کے چیف پجاری رنگاراجن پر حملے کی مذمت کی

حیدرآباد: بی آر ایس کے کارگزار صدر کے تارک راما راؤ (کے ٹی آر) نے چلکور بالاجی مندر کے چیف پجاری سی ایس رنگاراجن پر حملے کی سخت مذمت کرتے ہوئے اسے ریاست میں امن و امان کی بگڑتی ہوئی صورتحال کا عکاس قرار دیا۔

کے ٹی راما راونے پیر کے روز زخمی پجاری کی عیادت کی اور بی آر ایس پارٹی کی طرف سے مکمل تعاون کا یقین دلایا۔ اس واقعہ پر اپنے غم و غصے کا اظہار کرتے ہوئے کے ٹی آر نے کہا کہ رنگاراجن پر حملہ ایک گھناؤنا عمل اور مندر کے پجاری کی طرف سے دی گئی خدائی خدمت کی توہین ہے۔

انہوں نے زور دے کر کہا کہ اس طرح کے واقعات سے تلنگانہ میں امن و سلامتی کو شدید خطرہ لاحق ہے۔رنگاراجن پر حملہ انتہائی گھناؤنا اور افسوسناک عمل ہے۔ اس سے کوئی فرق نہیں پڑتا ہے کہ اس کے پیچھے کون ہے،

کس بہانے یا ایجنڈے کے تحت یہ حملہ کیاگیا ہے، ریاستی حکومت کا فرض ہے کہ وہ ان حملہ آوروں کے خلاف سخت کارروائی کرے۔انہوں نے مزید کہا کہ پجاری کے خاندان کی حالت زارہے جس نے خود کو بھگوان کی خدمت کے لیے وقف کر دیا ہے۔ کے ٹی آر نے مطالبہ کیا کہ حملے کے ذمہ داروں کو سزا دی جائے،

خواہ ان کی وابستگی یا مقاصد کچھ بھی ہوں۔ اس طرح کے واقعات دوبارہ نہ ہونے کو یقینی بنانے کے لیے سخت کارروائی کی جانی چاہیے۔ اس کے علاوہ رنگاراجن کے خاندان کو مناسب سیکورٹی فراہم کی جانی چاہیے۔