کلدیپ ون ڈے میں 150 وکٹیں لینے والے سب سے تیز ہندوستانی اسپنر بن گئے
اب تک 88 ون ڈے میچوں میں کلدیپ کے پاس 25.64 کی اوسط سے 150 وکٹیں ہیں، جس میں ان کی بہترین گیند بازی کا مظاہرہ 6/25 ہے۔ انہوں نے ون ڈے میں ہندوستان کے لیے سات بار چار وکٹ اور دو بار پانچ وکٹ لیے ہیں۔
کولمبو: اپنی جارحانہ بولنگ کی وجہ سے ہندوستان کو آسانی سے ایشیا کپ 2023 کے فائنل میں پہنچنے میں مدد کرنے والے کلدیپ یادونے ایک روزہ بین الاقوامی میچوں میں سب سے تیز ی سے 150 وکٹوں کی عدد کو چھونے والے سب سے تیز ہندوستانی اسپنر بن گئے ہیں۔
چائنا مین بولر نے منگل کو ایشیا کپ کے سپر فور مقابلے میں سری لنکا کے خلاف یہ کامیابی حاصل کی۔ میچ میں کلدیپ نے 9.3 اوور میں 4.52 کے اکانومی ریٹ سے 43 رن دے کر چار وکٹ لئے۔
انہوں نے مڈل آرڈر بلے باز سدیرا سمراویکراما اور چیرتھ اسلانکا کے اہم وکٹیں لئے۔ بعدمیں انہوں نے کاسن رجیتھا اور متھیشا پتھیرانا کو بھی سستے میں آؤٹ کرکے ہندوستان کی جیت کی راہ ہموار کی۔
اب تک 88 ون ڈے میچوں میں کلدیپ کے پاس 25.64 کی اوسط سے 150 وکٹیں ہیں، جس میں ان کی بہترین گیند بازی کا مظاہرہ 6/25 ہے۔ انہوں نے ون ڈے میں ہندوستان کے لیے سات بار چار وکٹ اور دو بار پانچ وکٹ لیے ہیں۔
وہ تیز گیند باز محمد شمی کے بعد اس نمبر تک پہنچنے والے دوسرے سب سے تیز ہندوستانی ہیں، جنہوں نے 80 میچوں میں 150 وکٹیں حاصل کیں۔ اس کے علاوہ کلدیپ اس مقام تک پہنچنے والے سب سے تیز ہندوستانی اسپنر بن گئے ہیں۔
کلدیپ 150 ون ڈے وکٹیں حاصل کرنے والے چوتھے سب سے تیز اسپنر ہیں ان سے اوپر سری لنکا کے اجنتھا مینڈس (84 میچز)، راشد خان (80 میچز) اور ثقلین مشتاق (78 میچز) ہیں۔
چار میچوں میں نو وکٹوں کے ساتھ کلدیپ موجودہ ٹورنامنٹ میں سب سے زیادہ وکٹ لینے والے بولر ہیں۔ انہوں نے موجودہ ٹورنامنٹ میں پیر کو روایتی حریف پاکستان کے خلاف بھی پانچ وکٹ لئے تھے۔
