کویت نے انسانی امداد سے بھرا طیارہ شام بھیجا
یہ طیارہ کویت سٹی کے عبداللہ المبارک ایئر بیس سے شام میں انسانی امداد کے لیے 20 ٹن خوراک، خیمے اور کمبل لے کر روانہ ہوا۔
کویت سٹی: کویت نے پیر کو انسانی امداد سے بھرا ہوا ایک طیارہ شام روانہ کیا۔
رواں ماہ کے اوائل میں شام کے سابق صدر بشار الاسد کی حکومت کے خاتمے کے بعد یہ پہلا ہوائی جہاز ہے۔
کویت کی سرکاری نیوز ایجنسی نے یہ اطلاع دی ہے۔
یہ طیارہ کویت سٹی کے عبداللہ المبارک ایئر بیس سے شام میں انسانی امداد کے لیے 20 ٹن خوراک، خیمے اور کمبل لے کر روانہ ہوا۔
کویت ریڈ کریسنٹ سوسائٹی کے چیئرمین خالد المغامس نے طیارے کی روانگی سے قبل ایک پریس کانفرنس میں کہا کہ انتہائی ضروری انسانی امداد سے بھرا امدادی طیارہ کویت کی شام کے ساتھ یکجہتی اور شامی عوام کو ان کی بنیادی ضروریات کو پورا کرنے میں مدد کرنے کے عزم کو ظاہر کرتا ہے۔
انہوں نے کہا کہ یہ امداد شامی حکام کے حوالے دی جائے گی جو اس کے بعد انتہائی ضرورت مند برادریوں میں اس کی تقسیم کا انتظام کریں گے۔
طیارے کی روانگی کویت کے وزیر خارجہ عبداللہ علی ال یحییٰ اور خلیج تعاون کونسل کے سکریٹری جنرل جسیم محمد البدوی کی قیادت میں ایک اعلیٰ سطحی وفد کے شام کے دارالحکومت دمشق کے دورے کے موقع پر ہوئی۔
