حیدرآباد کے شیخ پیٹ ڈائمنڈ ہلز میں بڑے پیمانہ پر چوری کی واردات

حیدرآباد: حیدرآباد کے فلم نگر پولیس اسٹیشن کے حدود میں واقع شیخ پیٹ ڈائمنڈ ہلز میں ایک مکان میں بڑے پیمانہ پر چوری کی واردات پیش آئی۔

الماری کے تالے توڑ کر چوروں نے 34 تولے سونے کے زیورات، 4.5 لاکھ روپے نقد رقم اور 550 کینیڈین ڈالر چوری کر لئے۔ متاثرین نے بتایا کہ چور سی سی ٹی وی کیمروں میں اپنی شناخت چھپانے کے لیے ہارڈ ڈسک بھی ساتھ لے گئے۔

رمضان کے مہینے کی وجہ سے متاثرہ شخص مجاہد نے گھر کو تالا لگا کر اپنے رشتہ داروں کے ہاں گیا تھا، واپس آنے پر اس نے یہ واردات دیکھی اور پولیس کو اس بات کی اطلاع دی۔

متاثرہ شخص چند دن پہلے ہی آسٹریلیا سے واپس آیا تھا۔اس شکایت کے بعد پولیس وہاں پہنچی اور کلوز ٹیم کے ساتھ شواہد اکٹھاکئے۔ پولیس نے معاملہ درج کرکے جانچ شروع کردی۔