سعودی عرب میں رمضان المبارک کا چاند نظر آگیا

ریاض: سعودی عرب میں چاند نظرآگیا۔  اتوار کی شام سعودی ہلال نے اعلان کیا کہ عرب ممالک میں چاند نظر آگیا۔ سعودی عرب میں پیر کو رمضان المبارک کا پہلا روزہ ہوگا۔ رمضان اسلامی کیلنڈر کا نواں مہینہ ہے جس میں مسلمان فجر سے غروب آفتاب تک روزہ رکھتے ہیں، کھانے پینے سے پرہیز کرتے ہیں۔

سعودی عرب اور دیگر خلیجی ممالک میں کل 11 مارچ بروز پیر کو یکم رمضان المبارک 1445 ہجری ہوگا۔ مسجد الحرام اور مسجد نبوی میں نماز تراویح کا آغاز آج عشاء کی نماز کے بعد ہوگا۔

سعودی عرب کے دارالحکومت ریاض میں قائم فلکیاتی علوم کے ادارہ کے سربراہ شرف السفیانی کا اپنے بیان میں کہا تھا کہ مملکت میں فلکی حساب سے یکم رمضان المبارک پیر 11 مارچ کو ہوگا۔ فلکی علوم کے ماہر محمد بن ردہ الثقفی بتایا آج دوپہر 12 بجے کے وقت چاند کی پیدائش ہو گئی تھی اور چاند غروب آفتاب کے 13 منٹ بعد تک دیکھا جاسکتا تھا۔

دوسری جانب آسٹریلیا، فلپائن، سنگاپور، انڈونیشیا، ملائیشیا، برونائی میں اتوار کو رمضان کا چاند نظر نہیں آیا جس کی وجہ سے ان ممالک میں 12 مارچ کو رمضان المبارک کا پہلا دن ہوگا۔