ہندوستانی ٹینس کو بدلنے میں لیجنڈ ٹینس اسٹار ثانیہ مرزا کا کلیدی کردار رہا

نئی دہلی: ثانیہ مرزا ہندوستانی خاتون ٹینس کھلاڑی ہیں، جوملک کی خاتون کھلاڑیوں میں سب سے کامیاب تصور کی جاتی ہیں۔ انہوں نے بیرون ملک ہی نہیں بین الاقوامی سطح پر متعدد تمغے جیت کر ہندوستان کا سر فخر سے بلند کیا ہے۔

 وہ سنگلز اور ڈبلز دونوں فارمیٹ میں کھیلنے والی دنیا کی بہترین کھلاڑی ہیں۔ ثانیہ کئی مرتبہ سنگلز اور ڈبلز چیمپئن شپ جیت چکی ہیں۔اپنے دہائیوں کے کیریئر میں ثانیہ نے ہر موڑ پر خود کو کامیاب ثابت کیا اور کامیاب خاتون ٹینس کھلاڑی بن کر ملک کا نام روشن کیا ۔

ثانیہ مرزا 15 نومبر 1986 کو ممبئی میں ایک حیدرآباد مسلم گھرانے میں پیدا ہوئیں۔ ان کا خاندان سال 1990 میں امریکہ چلا گیا اور دو سال بعد واپس وطن لوٹ آئے۔ثانیہ کے والد عمران مرزا اسپورٹس جرنلسٹ تھے جو حیدرآباد میں ایک سپورٹس میگزین نکالتے تھے۔

 ثانیہ کے والد کا تعلق چونکہ کھیلوں سےرہا لہذا ان کی دلچسپی بھی ٹینس کی جانب بچپن سے ہی ہوگئی تھی۔ثانیہ نے صرف چھ برس کی عمر میں ٹینس کھیلنا شروع کردیا تھا۔ ثانیہ کے والدین نے فیصلہ کیا کہ وہ اپنی بیٹی کو ٹینس کھلاڑی بنائیں گے۔

 والد عمران مرزا اکثر ان کے پریکٹس کے دوران ان کے ساتھ ہوتے ہیں۔ ثانیہ کو پایہ کا کھلاڑی بنانے کے لیے ان کے خاندان کو بہت تعاون کرنا پڑا۔ اس کے خاندان نے ان کی پرورش کے لیے انتھک محنت کی ہے۔

جب ثانیہ 14 برس کی بھی نہیں تھیں تو انہوں نے اپنا پہلا آئی ٹی ایف جیتا تھا۔ 2002 میں ہندوستان کے ٹاپ ٹینس کھلاڑی لیانڈر پیس نے 16 سالہ ثانیہ مرزا کو بوسان ایشیاڈ سے پہلے کھیلتے ہوئے دیکھا اور فیصلہ کیا کہ وہ ثانیہ مرزا کے ساتھ ڈبلز کھیلیں گے۔ اس کے بعد ثانیہ نے 17 برس کی عمر میں ومبلڈن جونیئر ڈبلز چیمپئن شپ کا خطاب جیتا۔

ثانیہ مرزا ایک جارحانہ گراؤنڈ اسٹروک کھلاڑی ہیں جو اپنے حملہ آور انداز کے لیے مشہور ہیں۔ ثانیہ کی سب سے بڑی طاقت ان کا دماغ ہے اور ساتھ ہی وہ تیز حملہ کرنے کی صلاحیت بھی رکھتی ہیں۔ اسی کے ساتھ ساتھ ان میں ایک یہ بھی خوبی ہے کہ وہ کھیل میں واپسی کی ماہر کھلاڑی ہیں، ثانیہ نے کھیل میں واپسی کے بعد اپنے کئی میچ جیتے ہیں۔

ثانیہ نے دوحہ ایشین گیمز میں خواتین کے سنگلز مقابلے میں چاندی کا تمغہ جیتا تھا۔ خواتین کی ٹیم کا چاندی کا تمغہ بھی ہندوستانی ٹینس ٹیم کے حصے میں آیا – جس میں شیکھا اوبرائے، انکیتا منجاری اور ایشا لاکھانی بھی شامل تھیں۔

 سال 2009 میں، وہ گرینڈ سلیم جیتنے والی ہندوستان کی پہلی خاتون کھلاڑی بنیں۔ انہوں نے یہ ومبلڈن ٹائٹل جیت کر تاریخ رقم کی۔ وہ آسٹریلین اوپن میں ہنگری کی پیٹرا منڈولا کو شکست دے کر کسی گرینڈ سلیم ٹورنامنٹ کے تیسرے راؤنڈ میں پہنچنے والی پہلی ہندوستانی خاتون کھلاڑی بن گئیں۔

ثانیہ مرزا نے 2015 میں شاندار کارکردگی کا مظاہرہ کرتے ہوئے 2016 میں آسٹریلین اوپن ٹائٹل جیتنے سے پہلے ہنگس کے ساتھ یو ایس اوپن اور ڈبلیو ٹی اے فائنل جیتا۔ مکسڈ ڈبلز پارٹنر روہن بوپنا کے ساتھ 2016 کے ریو اولمپکس میں کوارٹر فائنل میں جگہ بنائی۔

اپنے سنگلز کیریئر میں، مرزا نے سویتلانا کنزنیٹسوا، ویرا زووناریوا اور ماریون بارٹولی اور سابق نمبر ایک کھلاڑی مارٹینا ہنگس، دینارا سفینہ اور وکٹوریہ آزارینکا کو بری طرح شکست دی۔ ان کا شمار ہندوستان کی سب سے کامیاب اور ٹاپ رینک والی خاتون ٹینس کھلاڑیوں میں ہوتا ہے۔

ثانیہ نے اپنے کیریئر کا آغاز 1999 میں ورلڈ جونیئر ٹینس چیمپئن شپ سے کیا۔اس کے بعد انہوں نے کئی بین الاقوامی میچوں میں حصہ لیا اور کامیابیاں بھی حاصل کیں۔ایک نوجوان کھلاڑی کے طور پر سرینا ولیمز کا سامنا کرنے سے لے کر ماں بننے کے بعد کورٹ میں فاتحانہ واپسی تک، ثانیہ مرزا کا ٹینس کیریئر بے مثال رہا ہے۔ سال 2003 ان کی زندگی کا سب سے دلچسپ موڑ بن گیا جب ہندوستان سے وائلڈ کارڈ انٹری کرنے کے بعد انہوں نے ومبلڈن میں ڈبلز جیتا۔وائلڈ کارڈ انٹری کے ساتھ اس ٹورنامنٹ میں شامل ہونے والی یہ ہندوستانی ٹینس کھلاڑی آسٹریلیا کی سنڈی واٹسن اور ہنگری کی پیٹرا منڈولا کو شکست دینے میں کامیاب رہی۔

ہندوستانی ٹینس کھلاڑی نے 6 گرینڈ سلیم جیتے، ڈبلیو ٹی اے ڈبلز رینکنگ میں سرفہرست رہی، ڈبلیو ٹی اے سنگلز رینکنگ میں ٹاپ 30 میں پہنچنے والی پہلی ہندوستانی خاتون بن گئیں، اور اس راستے میں کئی دیگر کامیابیاں حاصل کیں۔

ٹینس کے لیے اس کے شوق اور دلچسپی نے تین بار کی اولمپین اور دولت مشترکہ کھیلوں میں چاندی کا تمغہ جیتنے والی ٹینس کورٹ پر کچھ حیرت انگیز پرفارمنس پیش کرتے ہوئے دیکھا ہے۔

حیدرآباد اوپن میں 6 آئی ٹی ایف سنگلز ٹائٹل اور اپنا پہلا ڈبلیو ٹی اے ڈبلز ٹائٹل جیت کر 2004 کے شاندار سیزن کے بعد، ثانیہ مرزا اپنے پہلے گرینڈ سلیم – 2005 آسٹریلین اوپن میں جانے والی ایک ابھرتی ہوئی اسٹار بنیں۔

ہندوستانی ٹاپ ٹینس کھلاڑی نے ہوبارٹ انٹرنیشنل 2020 میں واپسی کی اور یوکرائنی پارٹنر نادیہ کیچینوک کے ساتھ ڈبلز ٹائٹل جیتا۔کلائی کی چوٹ کی وجہ سے ثانیہ کو اپنا سنگلز کیریئر ختم کرنا پڑا اور اس کے بعد سے انہوں نے ڈبلز کھلاڑی پر زیادہ توجہ دینا شروع کر دی۔

ثانیہ کی رینکنگ 2004 کے آغاز میں 470 سے شروع ہوئی جو ثانیہ کی محنت اور کامیابی کی وجہ سے دسمبر 2005 میں 34 تک پہنچ گئی۔ تجزیہ سے معلوم ہوا کہ گزشتہ 20 برسوں میں کوئی بھی ہندوستانی ٹینس کھلاڑی 50 سے نیچے نہیں جا سکا ہے۔

 اگست 2004 کو ثانیہ مرزا کھیلوں کی سرخیوں میں تھیں۔ ان کی کارکردگی اور کامیابی کے اس قدر چرچے ہوئے کہ انہیں سچن تندولکر کے بعد ہندوستان کا سب سے بڑا اسٹار سمجھا جانے لگا۔ سال کے آغاز میں ثانیہ کی عالمی رینکنگ 166 تھی اس لیے وہ پہلی سو میں شامل ہونا چاہتی تھی لیکن ایک سال کے عرصے میں ہی انہوں نے کامیابی کی سیڑھیاں چڑھ کر پہلی 50 رینکنگ میں جگہ حاصل کرلی۔ یہ کامیابی نہ صرف ثانیہ کے لیے بلکہ ہندوستان کے لیے بھی اہم ہے۔

2005 کے آخر میں، ان کی بین الاقوامی درجہ بندی 42 تھی، جو کسی بھی ہندوستانی ٹینس کھلاڑی کے لیے سب سے زیادہ تھی۔ مئی 2006 میں، پانچویں سیڈ ثانیہ مرزا کو 200,000 امریکی ڈالر کے استنبول کپ ٹینس ٹورنامنٹ کے دوسرے راؤنڈ میں شکست کا سامنا کرنا پڑا۔

 دسمبر 2006 میں، دوحہ میں منعقدہ ایشین گیمز میں، انہوں نے لیانڈر پیس کے ساتھ مکسڈ ڈبلز گولڈ میڈل جیتا تھا۔ثانیہ 2007 کے وسط میں بین الاقوامی درجہ بندی میں 27 ویں نمبر پر تھیں۔

ریو 2016 اولمپکس میں سیمی فائنل تک پہنچنے والی ثانیہ مرزا کے نام 43 ڈبلیو ٹی اے ڈبلز ٹائٹل ہیں۔ وہ اب تک کی سب سے کامیاب ایکٹو ڈبلز کھلاڑی بھی ہیں۔ وہ واحد ہندوستانی ہیں جنہوں نے ڈبلیو ٹی اے سنگلز رینکنگ کے ٹاپ 30 میں جگہ بنائی ہے۔

خاص طور پر مارٹینا ہنگس کے ساتھ ان کی شراکت بہت کامیاب رہی ہے۔ ثانیہ اور ہنگس کی جوڑی نہ صرف سوئس اور ہندوستانی شائقین کے لیے ایک دعوت تھی بلکہ دنیا بھر کے ٹینس شائقین کے لیے بھی ایک سنسنی تھی۔ دونوں نے اپنے اپنے کیریئر میں سب کے سامنے اپنی صلاحیتوں کا لوہا منوایا اور ٹینس میں ایک نئے باب کا اضافہ کیا۔

ہنگس اور مرزا کی جوڑی نے 2015 اور 2016 کے درمیان تین گرینڈ سلیم ٹائٹلز اور دو ڈبلیو ٹی اے فائنلز ٹائٹل اپنے نام کیے، جبکہ ایک جوڑی کے طور پر 41 میچ جیتنے کا ریکارڈ بھی قائم کیا۔

چھ بار کی گرینڈ سلیم چیمپیئن، ڈبلز میں سابق عالمی نمبر 1 اور چار بار کی اولمپین، ثانیہ مرزا نے 2003 سے 2023 تک اپنے شاندار کیریئر میں ہندوستانی ٹینس کے لیے نئی بلندیوں کو چھوا۔

ثانیہ مرزا ہندوستان کی اب تک کی بہترین خاتون ٹینس کھلاڑی ہیں۔ثانیہ کو اپنے کیرئیر میں کئی ایوارڈز اور انعامات بھی مل چکے ہیں۔۔ سال 2004 میں ان کی بہتر کارکردگی کی وجہ سے انہیں 2005 میں ارجن ایوارڈ سے نوازا گیا۔

ٹینس میں شہرت کے ساتھ ساتھ وہ گلیمر کی دنیا میں بھی مقبولیت حاصل کر چکی ہیں۔ وہ کئی ٹی وی شوز میں بطور مہمان نظر آ چکی ہیں اور کئی اشتہارات میں بھی کام کر چکی ہیں۔