لیونل میسی ’انٹر میامی‘ فٹبال کلب جوائن کریں گے

بیونس آئرس: ارجنٹائن کو فیفا ورلڈکپ جتوانے والے لیونل میسی نے فرانسیسی کلب پیرس سینٹ جرمین (پی ایس جی) سے معاہدہ ختم ہونے کے بعد امریکی فٹبال کلب انٹر میامی کو جوائن کرلیا۔

رپورٹس میں دعویٰ کیاگیا تھاکہ اسٹار فٹبالر پی ایس جی کلب کو خیرباد کہنے کے بعد سعودی کلب الہلال کو جوائن کریں گے تاہم لیونل میسی نے پر کشش آفر کو ٹھکراتے ہوئے امریکی فٹبال کب انٹر میامی جوائن کریں گے۔

میسی نے تصدیق کی ہے کہ پی ایس جی سے جون میں معاہدہ ختم ہونے کے بعد اگلے سیزن میں وہ انٹر میامی میں شامل ہوں گے اور یوروپ چھوڑنے کا حتمی فیصلہ کرلیا ہے۔

انہوں نے کہا کہ یہ سچ ہے کہ مجھے ایک اور یوروپی ٹیم کی طرف سے پیشکشیں تھی لیکن اس کے بارے میں سوچا بھی نہیں کیونکہ یوروپ میں رہنے سے مراد بارسلونا جانے کا تھا۔

اسٹار فٹبالر میسی نے مزید کہا کہ بارسلونا میں واپسی کیلئے اپنے قریبی دوست اور کلب کے مینیجر ڑاوی اور صدر لوپارتا سے بات چیت کی تھی، وہاں کوشش ضرور تھی لیکن پیشرفت نہیں ہوسکی۔ ہم نے باقاعدہ طورپر پیسوں کی بات بھی نہیں کی تھی۔

اگر معاملہ پیسوں کا ہوتا تو میں سعودی عرب یا کہیں اور چلا جاتا۔ رپورٹس میں متعدد بار خبریں سامنے آئیں تھی کہ میسی بارسلونا جانے کے خواہشمند ہیں تاہم کلب کی موجودہ مالی حالت وہ یہ اقدام اٹھانے سے قاصر ہیں۔

میسی کے کیریر کا یہ پہلا موقع ہوگا کہ وہ یوروپ سے باہر کسی کلب سے کھیلیں گے تاہم انٹرمیامی کلب کیساتھ معاہدہ کی تفصیلات سامنے نہیں آئی ہیں۔ میسی نے سال 2021 میں پی ایس جی کلب جوائن کیا تھا۔