کپوارہ میں شراب فروش گرفتار، ناجائز شراب کی 37 بوتلیں ضبط: پولیس

سری نگر: پولیس نے شمالی کشمیر کے ضلع کپوارہ کے کلاروس علاقے میں ایک شراب فروش کو گرفتار کرکے ناجائز شراب کی 37 بوتلیں ضبط کی ہیں۔

ایک پولیس ترجمان نے بتایا کہ پولیس پوسٹ کلاروس کی ایک پارٹی نے کلاروس میں فائر اسٹیشن کے نزدیک ایک ناکے کے دوران ایک شخص کو روکا جس کی تحویل سے ناجائز شراب کی 37 بوتلیں ضبط کی گئیں جس کے بعد اس کو گرفتار کیا گیا۔

بیان میں ملزم کی شناخت ہلال احمد بٹ ساکن کلاروس کے طور پر کی گئی ہے۔

انہوں نے کہا کہ پولیس نے اس سلسلے میں متعلقہ دفعات کے تحت ایک کیس درج کیا ہے اور مزید تحقیقات شروع کی ہیں۔