لوک سبھاانتخابات۔ امیرپیٹ کے کوچنگ سنٹرس خالی ہوگئے

حیدرآباد: شہرحیدرآبا دکا علاقہ امیرپیٹ جو کوچنگ سنٹرس کی وجہ سے ہر وقت طلبہ سے کھچا کھچ بھرارہتا ہے خالی نظرآرہا ہے۔

کیونکہ دونوں تلگوریاستوں تلنگانہ اور آندھراپردیش میں ایک ساتھ ہونے والے لوک سبھا انتخابات کے پیش نظر طلبہ کی بڑی تعداد حق رائے دہی سے استفادہ کیلئے آبائی مقامات چلی گئی۔

تمام کوچنگ سنٹر خالی نظر آرہے ہیں۔چکڑپلی کی مرکزی لائبریری جو ہمیشہ طلباء سے بھری رہتی تھی، ویران ہو گئی۔

اس لائبریری اور کوچنگ سنٹرس کے ذمہ داروں کا کہنا ہے کہ یہ علاقے خالی ہو گئے ہیں کیونکہ ہر کوئی ووٹ ڈالنے کے لیے اپنے اپنے علاقوں کوچلا گیا ہے۔