19اپریل سے 7 مرحلوں میں ہوں گے لوک سبھا انتخابات، 4 جون کو ہوگا نتائج کااعلان
موجودہ لوک سبھا کی میعاد 16 جون کو ختم ہو رہی ہے اور اس سے پہلے نئی لوک سبھا کی تشکیل ہونی ہے۔ آندھرا پردیش، سکم، اروناچل پردیش اور اڈیشہ کی اسمبلیوں کی مدت بھی جون میں مختلف تاریخوں پر ختم ہو رہی ہے۔
نئی دہلی: الیکشن کمیشن آف انڈیا نے لوک سبھا الیکشن 2024 کی تاریخوں کا اعلان کر دیا ہے۔19 اپریل سے سات مرحلوں میں انتخابات منعقد کئے جائیں گے۔ اس بار بھی سات مرحلوں میں ووٹنگ ہوگی۔ نتائج کا اعلان 4 جون کو کیا جائے گا۔ الیکشن کمیشن نے 4 ریاستوں میں اسمبلی انتخابات کرانے کا بھی اعلان کیا ہے۔
543 سیٹوں کے لیے ووٹنگ 19 اپریل، 26 اپریل، 7 مئی، 13 مئی، 20 مئی، 25 مئی اور یکم جون کو ہوگی۔ 19 اپریل کو پہلے مرحلے میں 102 نشستوں پر، 26 اپریل کو دوسرے مرحلے میں 89 نشستوں، 7 مئی کو تیسرے مرحلے میں 94 نشستوں، 13 مئی کو چوتھے مرحلے میں 96 نشستوں، 20 مئی کو پانچویں مرحلے میں 49 نشستوں، چھٹا مرحلہ 25 مئی کو۔ 57 سیٹوں پر ووٹنگ ہوگی اور ساتویں اور آخری مرحلے میں یکم جون کو 57 سیٹوں پر ووٹنگ ہوگی۔
موجودہ لوک سبھا کی میعاد 16 جون کو ختم ہو رہی ہے اور اس سے پہلے نئی لوک سبھا کی تشکیل ہونی ہے۔ آندھرا پردیش، سکم، اروناچل پردیش اور اڈیشہ کی اسمبلیوں کی مدت بھی جون میں مختلف تاریخوں پر ختم ہو رہی ہے۔
انتخابات کا اعلان کرتے ہوئے چیف الیکشن کمشنر راجیو کمار نے کہا کہ ہماری ٹیم اب مکمل ہے، ہم ہندوستانی جمہوریت کے سب سے بڑے جشن کے لیے پوری طرح تیار ہیں۔ ہمارا وعدہ ہے کہ قومی انتخابات اس طرح کرائے جائیں کہ عالمی سطح پر ہندوستان کا سر فخر سے بلند ہو۔
