لون ایپ کی ہراسانی، نوجوان کی خودکشی۔اے پی میں واقعہ

حیدرآباد: لون ایپ کے ذمہ داروں کی جانب سے کی گئی ہراسانی سے تنگ آکر اے پی کے ضلع باپٹلہ میں ایک نوجوان نے خودکشی کرلی۔

اس کی شناخت سائی کے طورپر کی گئی ہے جس نے دوسال پہلے لون ایپ سے 50 ہزارروپئے لئے تھے۔

اس نے 40 ہزارروپئے کی رقم واپس کردی اور بقیہ دس ہزار روپئے واپس نہ کرسکا۔

اس رقم کی واپسی کیلئے اس نے مہلت طلب کی اورکہا کہ وہ اس رقم کو سود کے ساتھ اداکرے گا لیکن لون ایپ کے ذمہ داروں نے ایک نہ سنی اوراسے ہراساں کیا۔

اس ہراسانی پر اس نے خودکشی کی کوشش کی جس کے بعد اس کے رشتہ داروں نے اس کو اسپتال منتقل کیا۔

سائی نے ایک خط لکھا جس میں کہا گیا کہ وہ لون ایپ کے ذمہ داروں کی ہراسانی سے تنگ آکر یہ انتہائی اقدام کررہا ہے۔

اس کے رشتہ داروں نے اس سلسلہ میں پولیس سے شکایت کی۔