ایم یادگری ریڈی نے ٹی ایس آرٹی سی کے صدرنشین کی ذمہ داری سنبھال لی

حیدرآباد: جنگاوں کے بی آرایس رکن اسمبلی ایم یادگری ریڈی نے آج بس بھون میں تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی) کے صدرنشین کے طور پر ذمہ داری سنبھال لی۔ بتایاجاتا ہے کہ انہوں نے انتخابی ضابطہ کے جلد نفاذ کے پیش نظر یہ ذمہ داری سنبھال لی۔

اس پروگرام میں آر ٹی سی کے منیجنگ ڈائرکٹر وی سی سجنار اور دیگر اعلیٰ عہدیداروں نے شرکت کی۔ ابھی تک باجی ریڈی گووردھن ریڈی ٹی ایس آر ٹی سی کے صدرنشین تھے تاہم ان کی جگہ حکومت نے یادگری ریڈی کو یہ ذمہ داری دی۔ وہ دو سال تک اس عہدے پر رہیں گے۔ ان کو اس بار بی آر ایس کا ٹکٹ نہیں دیا گیا۔