گاندھی جی اورلال بہادر شاستری کی یوم پیدائش، مہیش کمارگوڑ کا خراج

حیدرآباد: تلنگانہ کانگریس کے صدر مہیش کمار گوڑ نے گاندھی جی اور سابق وزیراعظم لال بہادر شاستری کی جینتی کے موقع پر خراج عقیدت پیش کیا۔

سوشیل میڈیا پرسرگرم مہیش کمار گوڑ نے ان دونوں کو قائدین کو اپنے ٹوئیٹ کے ذریعہ بھرپورخراج پیش کیا۔انہوں نے کہا کہ گاندھی جی کے اصول، سچائی، عدم تشدد اور خود انحصاری آج بھی ملک کے لئے رہنمائی کا ذریعہ ہیں۔ ان کے بتائے ہوئے راستے نسل در نسل عوام کو امن، مساوات اور سماجی انصاف کی طرف لے جا رہے ہیں۔

اسی طرح انہوں نے لال بہادر شاستری کو یاد کرتے ہوئے کہا کہ ان کا نعرہ ”جے جوان، جے کسان” آج بھی قوم کی طاقت اور ترقی کی علامت ہے۔ شاستری جی کی سادگی، ایمانداری اور ملک کی خدمت کے لئے ان کی قربانیاں ہر شہری کے لئے مشعل راہ ہیں۔

مہیش کمار گوڑ نے کہا کہ ان دونوں عظیم رہنماؤں کی خدمات ملک کی آزادی، اتحاد اور ترقی کے لئے ہمیشہ یاد رکھی جائیں گی اور آنے والی نسلوں کو تحریک دیتی رہیں گی۔