ملاریڈی نے اراضیات پر قبضہ کے الزامات کو بے بنیاد قراردیا

حیدرآباد: تلنگانہ کے سابق وزیر و بی آرایس لیڈرملاریڈی نے ان پر اراضیات پر قبضہ کے لگائے گئے الزامات کو بے بنیاد اور جھوٹے قراردیا۔

سکندرآباد میں چنتلاپلی کیشوورم علاقہ میں ان پر اراضی پر قبضہ کے سلسلہ میں لگائے گئے الزامات پر درج کردہ مقدمہ پرردعمل ظاہر کرتے ہوئے سابق وزیرنے واضح کیا کہ یہ الزامات جھوٹے ہیں۔

انہوں نے نشاندہی کرتے ہوئے کہاکہ قبائلیوں کی 47ایکڑاراضی کا ان سے کوئی تعلق نہیں ہے۔انہوں نے کہا کہ موجودہ حکومت ان سے مخاصمت نکال رہی ہے۔