معمر مریض کے ساتھ بدفعلی‘ مرد نرس گرفتار

دکشن کنڑ: کرناٹک پولیس نے موڈبیدری ٹاؤن میں معمر مریض کی جنسی ہراسانی کے الزام میں مرد نرس کو گرفتار کرلیا۔ گرفتار نرس کی شناخت 19سالہ شیوانندا ساکن گڈگ کی حیثیت سے کی گئی۔

 پولیس کے مطابق ملزم کو کوڈنگاولی کے قریب ہڈکو کالونی میں واقع مکان میں معمر مریض کی دیکھ بھال کے لیے مقررکیا تھا۔ تاہم مریض‘ بار بار بیمار پڑنے لگا اور ڈپریشن کا شکار ہوگیا۔ شبہ ہونے پر ارکان خاندان نے نرس کے علم میں لائے بغیر کمرہ میں سی سی سی ٹی وی کیمرے نصب کردیے۔

 سی سی ٹی وی فوٹیج میں ظاہر ہوا کہ ملزم مرد نرس معمر مریض کو بدفعلی کے لیے مجبور کرا تھا۔ فوٹیج میں‘ بات نہ ماننے پر مرد نرس‘ مریض کو زدوکوب بھی کررہا ہے۔ خاندان نے اس ضمن میں موڈبیدری پولیس میں شکایت درج کروائی اور مزید تحقیقات کے لیے ملزم کو گرفتار کرلیا گیا۔