حیدرآباد: خود کو ریونیو ملازم ظاہر کرنے والا شخص تلنگانہ سکریٹریٹ میں پکڑا گیا۔یہ شخص سکریٹریٹ میں مشتبہ طور پر گھوم رہا تھا۔
اسپیشل پولیس فورس انٹلی جنس اے ایس آئی یوسف اور ہیڈ کانسٹیبل انجینلو نے مکمل شواہد اکٹھے کئے اور چالاکی سے اسے پکڑ لیا۔ کھمم کا رہنے والا بھاسکر راؤ، محکمہ ریونیو میں جونیئر اسسٹنٹ کے فرضی شناختی کارڈ کے ساتھ گھوم رہا تھا۔
معلوم ہوا ہے کہ محکمہ اقلیتی بہبود کے سکشن آفیسر وی پرشانت کے ڈرائیور روی نے بھاسکر راؤ کی فرضی شناختی کارڈ حاصل کرنے میں مدد کی تھی۔ایس پی ایف انٹلی جنس نے ڈرائیور روی کو حراست میں لے لیا ہے۔
سیف آباد پولیس ڈرائیور روی اور بھاسکر راؤ سے پوچھ گچھ کر رہی ہے۔ پولیس نے ان سے پوچھا کہ انہوں نے فرضی شناختی کارڈ دکھا کر کسی کو مالی طور پر دھوکہ دیا ہے۔ کیا اس کام میں کوئی اور ملوث ہے؟ کس نے ان کی مدد کی؟
ہمیں فالو کریں
