بی جے پی میں کئی، مُنا بھائی ایم بی بی ایس کی طرح ہیں۔ کے ٹی آر

حیدرآباد: اپنے ٹوئیٹس کے ذریعہ مودی زیرقیادت زعفرانی جماعت کی حکومت کے خلاف طنز و تنقید کے سلسلہ کو جاری رکھا ہے۔

 سوشیل میڈیا کے اہم پلیٹ فارم ٹوئیٹر پر سرگرم تلنگانہ کے وزیرانفارمیشن ٹکنالوجی کے تارک راما راوجو اپنے ٹوئیٹس کے ذریعہ کافی مشہور ہیں نے کہا ہے کہ

‘‘ایسا محسوس ہوتا ہے کہ بی جے پی میں کئی، مُنا بھائی ایم بی بی ایس کی طرح ہیں’’

وزیراعلی کے چندرشیکھرراو کے فرزند تارک راما راو نے اس ٹوئیٹ میں مزید لکھا کہ

‘‘ تلنگانہ سے تعلق رکھنے والے بی جے پی کے دوارکان پارلیمنٹ فرضی اسناد رکھتے ہیں جن کے پاس راجستھان اور تمل ناڈو کی یونیورسٹیوں کی فرضی ڈگریاں ہیں’’

تارک راما راو جو ریاست کی حکمران جماعت بی آرایس کے کارگذار صدربھی ہیں نے انگریزی میں کئے گئے اس ٹوئیٹ کے آخرمیں پوچھا کہ

‘‘کیا انتخابی حلف نامہ میں جھوٹ بولناجرم نہیں ہے اور کس بنیاد پر یہ ایم پیز منتخب ہوئے ہیں؟کیا اسپیکر لوک سبھا کو اس تعلق سے معلومات حاصل کرتے ہوئے خاطی پائے جانے پر ان کے خلاف کارروائی نہیں کرنی چاہئے؟’’

تارک راما راو کے اس ٹوئیٹ پر کئی افرادنے ردعمل ظاہر کیا ہے۔