فلک نما میں میڈیکل شاپ پر چھاپہ‘ دوائیں ضبط

حیدرآباد: تلنگانہ اسٹیٹ  ڈرگس کنٹرول ایڈمنسٹریشن (ٹی ایس ڈی سی اے) کی جانب سے جنگم میٹ فلک نما میں ایک میڈیکل شاپ پر چھاپہ مارا گیا جہاں غیر قانونی طور پر کاروبار جاری کیا جارہا تھا۔

بغیر ڈرگ لائسنس حاصل کئے کے اچوتھا ریڈی نامی شخص میڈیکل شاپ چلارہا تھا‘ 1.20 لاکھ روپے مالیاتی دواوں کو ضبط کر لیا گیا۔

چھاپے کے دوران تلنگانہ اسٹیٹ  ڈرگس کنٹرول ایڈمنسٹریشن کی ٹیم نے 40 اقسام کی دوائیں ضبط کیں‘جن میں اینٹی ذیابیطس، اینٹی فنگل، اینٹی ہائی بلڈ پریشر، پین کلرز، اینٹی السر وغیرہ شامل ہیں۔

ٹی راجامولی، اسسٹنٹ ڈائرکٹر، بی لکشمی، ڈرگس انسپکٹر، جی انیل، ڈرگس انسپکٹر،  کے انوش، ڈرگس انسپکٹر مہدی پٹنم نے کارروائی کی۔

مزید بتایا گیا کہ ڈی سی اے افسران نے تجزیہ کے لئے نمونے حاصل کر لئے ہیں اور مزید تفتیش کی جا رہی ہے اور تمام مجرموں کے خلاف قانون کے مطابق کارروائی کی جائے گی۔