امیت شاہ کے تلنگانہ کے دورے میں معمولی تبدیلی 17 نومبر کی بجائے 18 نومبر کو دورہ

حیدرآباد: مرکزی وزیر داخلہ امیت شاہ کے دورہ میں معمولی تبدیلی ہوئی ہے۔ امیت اشہ اس ماہ کی 18 تاریخ کو ریاست تلنگانہ کا دورہ کریں گے۔

سابق میں وہ 17 نومبر کو تلنگانہ ریاست کا دورہ کرنے والے تھے۔ مرکزی وزیر داخلہ امیت شاہ 18 نومبر کو صبح 10 بجے گدوال اسمبلی حلقہ‘ 12 بجے نلگنڈہ میں‘ 2 بجے دن ورنگل مشرق میں روڈ شو منظم کرنے کے بعد جلسہ عام کا انعقاد کریں گے۔

امیت شاہ شام 4 بجے اسمبلی حلقہ راجندر نگر حیدرآباد میں روڈ شو کا انعقاد کریں گے اور وہ ہوٹل کاتریہ میں واقع بی جے پی کے میڈیا سنٹر میں بی جے پی پارٹی کا مشنور جاری کریں گے اور شام 6 بجے بذریعہ طیارہ دہلی کو روانہ ہوجائیں گے۔