منیش سسوڈیہ کے خلاف سی بی آئی کا نیا کیس

نئی دہلی: سنٹرل بیورو آف انوسٹیگیشن (سی بی آئی) نے آج بتایا کہ جاسوسی معاملہ میں جس کا تعلق حکمراں عام آدمی پارٹی کے مبینہ فیڈ بیاک یونٹ (ایف بی یو) سے ہے‘ دہلی کے سابق ڈپٹی چیف منسٹر منیش سسوڈیہ کے خلاف ایک ایف آئی آر درج کرلی گئی ہے۔

یہ ایف آئی آر 14 مارچ کو ان کے اور دیگر نامعلوم افراد کے خلاف انسدادِ رشوت ستانی قانون کے تحت درج کی گئی تھی۔

ایف آئی آر میں کہا گیا ہے کہ انہیں اس ضمن میں لیفٹیننٹ گورنر (ایل جی)کے دفتر سے شکایت موصول ہوئی تھی۔

بعدازاں ایک ابتدائی انکوائری درج کی گئی تھی۔ فیڈبیاک یونٹ کی تشکیل 29 ستمبر 2015 کو ایک کابینی فیصلہ کے ذریعہ دی گئی تھی۔ چیف منسٹر دہلی نے اسے منظوری دی تھی۔