سکندرآباد تا گوا نئی ٹرین کو کشن ریڈی نے جھنڈی دکھائی

حیدرآباد (یو این آئی) سکندرآباد سے گوا جانے والے سیاحوں کے لیے ایک نئی ٹرین دستیاب کروائی گئی ہے۔ مرکزی وزیر کشن ریڈی نے سکندرآباد ریلوے اسٹیشن پر اس ٹرین کو ہری جھنڈی دکھا کر روانہ کیا۔

اس ماہ کی 9تاریخ کو سکندرآباد سے اور 10تاریخ کو واسکو ڈا گاما سے ٹرین کی باقاعدہ خدمات شروع ہوں گی۔ سکندرآباد۔واسکوڈاگاما (17039)ٹرین ہر بدھ اور جمعہ کو چلائے گی۔

واسکوڈی گاما۔ سکندرآباد (17040)ٹرین ہر جمعرات اور ہفتہ کو روانہ ہوگی۔ فی الحال سکندرآباد۔ واسکوڈی گاما کے درمیان باقاعدہ سروس (17603)ہے۔

یہ منگل، بدھ، جمعہ اور اتوار کو چلائی جاتی ہے۔ حیدرآباد سے واسکو ڈی گاما کیلئے ایک اور ٹرین (17021) ہے لیکن یہ ہفتے میں صرف ایک دن چلائی جاتی ہے۔

اس میں بھی ٹکٹ ملنا بہت مشکل ہے۔ اس پس منظر میں نئی ٹرین سیاحوں کے سفری مواقع میں اضافہ کرے گی۔اس میں اضافی نشستیں دستیاب ہوں گی۔